وشلك بصاحب يجرحك ما يداويك
ياقلب لا تحزن عسى الله يخليك --- مفروض تفرح من عرفت الحقيقه
لاتنهزم للي غدربك وناويك --- ماانته لوحدك من غدربه صديقه
لابد من لحظه سعيده تناديك --- وتعوضك ماجاك حسره وضيقه
وشلك بصاحب يجرحك ما يداويك --- خله عساه بداهيه في حريقه
قله غرورك شين ماعاد لي فيك --- معاد فيني اتحملك لو دقيقه
ولاعاد تاذيني ولا عاد با اذيك --- كلن وله دربه ويعرف طريقه
خلك على توك زمانك يربيك --- تدفع ثمن من حب يغدر رفيقه
وتعرف انك بعت لي كان شاريك --- بكبرك اذيته ونشفت ريقه
واذكرك في يوم قهرك يبكيك --- في يوم ما تلقى القلوب الرقيقه
ليست هناك تعليقات:
إرسال تعليق