×
ياطير في عرض السماء ياريت لي مثلك جناح
يقــول ابو رامـي منـام اللـيل خاصمنـي وراح
لاطاع لي يخضع ولاناطعـت اجامـل واربحـه
قاعـد على فرشـي وعينـي ساهـره لين الصباح
مدري وش اللي صارلي مدري ولاكيف اشرحـه
كم مـن سنـه مـرت ونا فـي هـم وايامـي شحـاح
لازاد يهنــاني وحمـلـي صعـب لاقـلـت اطرحـه
تعبـت مـن دنيـاء شقاء دايــم ولافـيهـا صــلاح
والعمر تطويه السنين تقـول خـرط المسبحـه
ومهـما يطـول العمـر ولازان حـالك واستـراح
ومهما تساوت لك ومهما شاف قلبك وافرحه
لابـد من مسراح من دنيـاء الـنكـد ولامـراح
لاحـد يمني النفــس تاليـة المنايا تـفضحـه
ومن راح باتـرجعـه ونـه ولاكـثر والنــواح
ولا دمـوع العـين لاكـثـرة تـرده مطـرحـه
ولااللسف واهوين لي باترجعه من راح راح
ولامعه غير العمل ان شان وان كان اصلحه
هـذا كـلام الصـدق ماغيـره نسـم ولامــزاح
ان كـان ذميته بلـي في خاطرك او تمـدحه
ياطير في عرض السماء ياريت لي مثلك جناح
اطـير في جـوك ولي فـي البال عيني تلمحـه
وقـول له مرحب تراحيب المطـر بعـد الـريـاح
ترحيـبة المشـتاق لـي شوقـه لخلـه يذبحـه
وارتاح لا شفته وداوي لي بقلبي من جـراح
يكـفي ونا مقهـور من غدر الزمن لاسامحه
ليست هناك تعليقات:
إرسال تعليق